Gesonde koeie is noodsaaklik vir doeltreffende produksie vir 365 dae per jaar! Daarom volg Mooimelk Koeihotel ‘n program van inentings en voorkomende maatreëls om goeie gesondheid te verseker.

  1. ‘Melkring toetse’ word maandeliks gedoen op die melk om die melkkudde te monitor vir CA (besmetlike misgeboorte).

  2. Elke 2 jaar word die hele kudde getoets vir TB en CA op individuele koei basis. In die 75 jaar wat die kudde bestaan, het die hele kudde nog altyd negatief getoes vir hierdie siektes…!

  3. Dr Theo Kotzé help met die opstel van die inentings en doseerprogramme van die hele kudde.

  4. Elke tweede week word alle diere gedip om bosluise en vlieëte beheer.

 

Spesifieke siekteprobleme

 

Lys van spesifieke probleme

A Mastitis
Moontlike bydraende oorsake is: 

  • bakterieë

  • stamp teen die uier

  • verkeerde vakuum vlakke van die melkmasjien

  • Uitgediende rubber vellings van die melkmasjien

B Gal siek
Word deur bosluise veroorsaak.

  • beheermaatreëls sluit gereelde dip in

  • verander die aktiewe bestanddeel van die dip elke 6 maande

  • skraap die oppervlak van die kampe waar die koeie slaap gereeld sodat die voortplantingsiklus van die bosluise verbreek word

C Melkkoors
Word veroorsaak deur ‘n wanbalans in die voer rantsoen van die koeie

  • moenie die koeie ‘n maand voor kalwing voer met enige voer wat ryk is aan kalsium soos lusernhooi nie

  • moenie die uier te gou na kalwing leegmelk nie – melk net klein hoeveelhede (ongeveer 5 liter) op ‘n slag vir die eerste 2 dae na kalwing

  • indien ‘n koei tekens van melkkoors toon, moet die pasgebore kalf van sy ma weggeneem word

D Diarree in kalwers
Word veroorsaak deur bakterieë

  • Ent dragtige koeie en klein kalfies teen buikloop

  • maak seker die pasgebore kalfie binne 4 ure na geboorte 2 liter biesmelk inkry – dit bevat teenliggaampies wat buikloop sal beveg

  • moenie die kalf te veel melk gee nie – maksimum 2 liter op ‘n keer 2 maal ‘n dag

  • Verskuif gereeld die plek waar die klein kalfies gevoer word.

E Vrotpootjie
Word veroorsaak deur bakterieë

  • Laat al die koeie 2 maal per week deur ‘n voetbad loop

  • verander die chemikalieë beurtelings met kopersulfaat en sinksulfaat

  • knip die hoewe van die koeie

  • Behandel koeie wat wel vrotpootjie opgedoen het.

F ‘n Harige moesie aan die hakskeen van koeie
Word veroorsaak deur bakterieë

  • aanhoudende gebruik van die voetbad met ‘n vars mengsel chemikalieë 2 maal per week

  • behandel die moesie met ‘n oplossing van oxytetracyline-poeier tot ‘n pasta gemeng, op die voet, met verband vasgemaak vir minstens 3 dae.

G Aborsies
Kan veroorsaak word deur verskeie redes

  • besmette misgeboorte (CA)

  • BVD

  • hoë koors by die ma

  • muf in die voer

  • siektes veroorsaak deur bosluise

  • stresfaktore

  • wanvoeding

  • dragtig met ‘n tweeling

H Longprobleme by kalwers
Word veroorsaak deur infeksie in die longe

  • maak seker elke kalf kry 2 liter biesmelk binne 4 ure na geboorte

  • ent binne die eerste 3 dae na geboorte teen longsiektes

  • vermy stof in die kos – gebruik liewer korrels

  • hou die skuiling skoon en warm met strooi

  • maak die oop kant van die skuiling weg van die wind

  • In die winter skuif ons die hokkies noord aansig om maksimum son in te kry – in die somer draai ons die hokkies suid sodat die kalfies in die skaduwee kan wees.

     
 

Tuisblad | Agtergrond | Bestuur | Belegging | Risiko & Sekuriteit | Deelnemers | Publikasie | Kontak Ons
 


This website designed and maintained by GSD Potch - The WEB people...  -
www.gsdpotch.com

 

We recommend that you view this website with: MS IE 7+ of Google Chrome 1.0 or  Mozilla 4.0